Грузияда бўлиб ўтган митингда Республикачилар партиясидан президентликка номзод Доналд Трамп Жо Байден маъмурияти томонидан яқинда уюштирилган Россия ва Ғарб ўртасидаги маҳбуслар алмашинувига изоҳ берди. Трамп Россия президенти Владимир Путинни табриклаб, келишувни Россия учун фойдали деб атади ва алмашинув шартларини танқид қилди.
«Мен Владимир Путинни яна бир ажойиб келишувга эришгани билан табрикламоқчиман», деди Трамп.
Трамп, шунингдек, унинг президентлиги даврида гаровга олинган 59 киши ҳеч қандай тўловсиз қўйиб юборилганини айтди.
