Трамп Папа билан суҳбатда Эрон ядровий дастури ҳақида гаплашди

АҚШ президенти Дональд Трамп Папа Лев XIV билан бўлган суҳбатда Эроннинг ядровий қуролга эга бўлиши жиддий хавф туғдириши мумкинлигини айтган.

The New York Post нашрига кўра, Трамп Папага Эрон ядровий қуролга эга бўлса, унинг қўлланилиши миллионлаб инсонлар ҳаётига таҳдид солиши мумкинлигини билдирган.

Унинг таъкидлашича, бу хавф фақат айрим давлатлар эмас, балки бутун дунё, жумладан католиклар ва Италия аҳолиси учун ҳам хавфли бўлиши мумкин.

Трампнинг сўзларига кўра, ядровий қуролнинг Эрон томонидан қўлга киритилишига йўл қўйиб бўлмайди.