АҚШ президенти Дональд Трамп маъмурияти Венесуэланинг минерал ресурсларига, жумладан олтин захираларига янада кенгроқ кириш имкониятини қўлга киритишга интилмоқда.
Reuters манбаларга таяниб хабар беришича, Вашингтоннинг Венесуэла табиий бойликларига бўлган қизиқиши энди фақат нефть билан чекланиб қолмаяпти.
Манбаларга кўра, бу саъй-ҳаракатлар Венесуэла кончилик секторини АҚШ инвестициялари учун очиши ва Америка компанияларига мамлакат миллий хавфсизлиги учун муҳим ҳисобланган минералларга кириш имконини бериши мумкин.
Трамп маъмурияти АҚШнинг Венесуэла кончилик секторидаги иштирокини кенгайтиришга қаратилган бир қатор чораларни кўриб чиқмоқда. Жумладан, стратегик аҳамиятга эга минераллар бўйича махсус фармон қабул қилиниши ҳам эҳтимол қилинмоқда.
Ҳозирча ушбу ҳужжат ишлаб чиқиш босқичида ва Вашингтоннинг якуний стратегияси ҳали ўзгариши мумкин.
Reuters шунингдек, АҚШ расмийлари бир қатор компаниялар билан учрашувлар ўтказиб, уларнинг Венесуэла кончилик соҳасига сармоя киритиш ёки бошқа шаклда иштирок этишга қизиқишини ўрганганини қайд этди.
Россияда бир ҳафта ичида касалланганлар сони қарийб 1 миллионга етди
Нетаняху нутқи пайтида зални тарк этган давлатлар рўйхати
Зеленский ёмон хабар олди
