АҚШ президенти Дональд Трамп ўз партияси — Республикачилар партияси ичида тобора кучайиб бораётган қаршиликка дуч келмоқда. Reuters маълумотига кўра, сўнгги вақтларда республикачи қонун чиқарувчилар бир қатор масалаларда Оқ уй позициясига қарши овоз бермоқда.
Жумладан, республикачилар Оқ уйда баллар зали қурилиши учун ажратилиши режалаштирилган 1 миллиард долларлик маблағни рад этди ва ички кузатувга оид қонун лойиҳасини тўсиб қўйди. Шунингдек, Ваколатчилар палатаси Трампнинг позициясига қарамай, Украинага ёрдам кўрсатиш ва Россияга қарши янги санкциялар жорий этишни назарда тутувчи қонун лойиҳасини маъқуллади.
Кузатувчилар фикрича, Конгрессдаги бу каби келишмовчиликлар Трампнинг сайловлар арафасидаги муҳим ташаббусларига салбий таъсир кўрсатиши мумкин. Республикачиларнинг бир қисми эса сайловлар яқинлашган сари Оқ уйдан кўра ўз сайловчилари манфаатларига кўпроқ эътибор қаратаётганини билдирмоқда.
2026 йил ёзда Марказий Осиё мамлакатларида аномал даражада кучли ёғингарчиликлар кузатилиши мумкин
Миллион россиялик мамлакатни тарк этди
«Жуманжи» актёри ваҳшийларча ўлдирилди
