Трамп кеча муддати тугаган Стратегик қуролларни чеклаш тўғрисидаги шартнома ўрнига янги битим тузишни таклиф қилмоқда

Шунингдек, Қўшма Штатлар президенти бир неча урушларнинг ядровий тус олишига йўл қўйилмаганини билдирган.

"Қўшма Штатлар — дунёдаги энг қудратли давлат. Биринчи президентлик муддатимда биз армиямизни тўлиқ қайта қуриб чиқдик, жумладан янги ва кўплаб модернизация қилинган ядровий қуролларни ҳам жорий этдик. Шунингдек, мен Космик кучларни ташкил қилдим ва ҳозир ҳам Қуролли кучларимизни дунё ҳали кўрмаган даражаларда мустаҳкамлашда давом этяпмиз. Ҳатто Иккинчи жаҳон уруши даврида денгизларни кезган “Айова”, “Миссури”, “Алабама” ва бошқа кемалардан 100 баравар қудратли жанговар кемаларни ҳам сафга қўшяпмиз.

Мен Покистон ва Ҳиндистон, Эрон ва Исроил ҳамда Россия ва Украина ўртасида юзага келиши мумкин бўлган ядровий можароларнинг олдини олдим. New START'ни (Қўшма Штатлар учун ёмон келишилган ва бундан ташқари қўпол равишда бузиб келинаётган битимни) узайтириш ўрнига, биз ядровий мутахассисларимизга келажакда узоқ йиллар давомида амал қилинадиган янги, яхшиланган ва модернизация қилинган шартномани ишлаб чиқишни топширишимиз керак", — дея таъкидлади АҚШ президенти.