АҚШ президенти Дональд Трамп Truth Social тармоғида Канада, Мексика, Гренландия, Исландия, Марказий Америка ва Кариб ҳудудлари АҚШ байроғи рангларида тасвирланган харитани эълон қилди. Харита устига «United States of America» деб ёзилган. Трамп постга қўшимча изоҳ бермаган.
Пост айниқса Исландияда кескин реакцияга сабаб бўлди. Мамлакат ташқи ишлар вазири Торгердюр Катрин Гуннарсдоттир АҚШ элчиси Билли Лонгни ТИВга чақириб, харитани «мутлақо номақбул» деб баҳолади.
Трамп аввал ҳам Канадани АҚШнинг «51-штати» сифатида тилга олган ва Гренландияни АҚШ назоратига олиш ғоясини бир неча бор билдирган эди. Дания расмийлари эса Гренландия аҳолиси АҚШ таркибига киришни истамаслигини таъкидлаб келмоқда.
Сўнгги ҳафталарда Трамп географик номларни ўзгартириш бўйича ҳам бир қатор ташаббуслар билан чиққан. Август охирида у АҚШ федерал идоралари учун Онтарио кўлини «Америка кўли» деб аташ ҳақида фармон имзолади. Бу ном Канада учун мажбурий эмас.
Шунингдек, Трамп Нью-Мексико штатини «Янги Америка» деб қайта номлаш ғоясини илгари сурди. Бироқ АҚШ президенти штат номини мустақил равишда ўзгартириш ваколатига эга эмас.
Бундан ташқари, у Ҳўрмуз бўғозини «Трамп бўғози» деб аташ таклифини ҳам билдирган, кейинчалик эса бу ғояга жиддий қарамаётганини ишора қилганди.
Дунё харитаси 500 йил ичида илк бор янгиланди
💴 Адлия вазирлиги Ўзбекистондаги пенсия ва нафақалар миқдорини эслатди
Японияда уйқу мусобақаси бўлиб ўтади, унда ғолиб катта пул мукофотига сазовор бўлади
