Трамп Эроннинг тинчлик таклифини танқид қилди

Дональд Трамп Эрон томонидан таклиф қилинган янги тинчлик ташаббусини танқид қилди ва унга рози бўлмаслигини билдирди.

Унинг айтишича, икки томон ўртасида телефон орқали музокаралар давом этмоқда ва Эрон келажакдаги таклифлар ҳам кўриб чиқилиши мумкин. Шу билан бирга, Трамп Эрон томони “келишувга интилаётганини” таъкидлади.

Президент музокаралар чўзилаётганини Эрон раҳбарияти ичида келишмовчиликлар мавжудлиги билан изоҳлади. Унинг сўзларига кўра, “улар ўз раҳбарлари кимлигини ҳам аниқ белгилай олмаяпти”.

Ҳозирда АҚШ ва Эрон ўртасида вақтинчалик ўт очишни тўхтатиш режими амал қилмоқда. Трамп музокаралар якунланмагунча бу келишувни узайтирган.

Шу билан бирга, аввалги музокараларда томонлар тўлиқ келишувга эриша олмаган. Айни пайтда вазият ҳали ҳам кескин бўлиб қолмоқда.