Трамп Эронга қаттиқ иқтисодий зарба бериш билан таҳдид қилди

АҚШ президенти бу ҳақда Нью-Йорк штатидаги Гарден Сити шаҳрида жойлашган David S. Mack номидаги ўқув ва разведка марказида сўзлаган нутқида маълум қилди.

Қайд этилишича, Вашингтон Теҳроннинг нефт савдоси, молиявий тизими ва халқаро ҳамкорларига қарши янада кескин чекловлар жорий этиш имкониятларини муҳокама қилмоқда.

Экспертларнинг айтишича, Оқ уй ҳозирда Эрон нефтининг асосий харидори ҳисобланган Хитойга босимни кучайтириш вариантларини ҳам кўриб чиқмоқда. Хусусан, Эрон нефтини қайта ишлаётган Хитойдаги нефтни қайта ишлаш заводларига нисбатан иккиламчи санкциялар жорий этилиши мумкин. Шунингдек, Эрон маблағлари орқали операциялар амалга ошираётган айрим Хитой банклари ҳам Вашингтоннинг эътибор марказида қолмоқда.