Трамп Эрон ядро қуролидан воз кечишга рози бўлганини айтди

АҚШ президенти бу ҳақда Fox News телеканалига берган интервюсида маълум қилди.

Оқ уй раҳбари томонлар яхши битим тузишга яқин эканини, бироқ АҚШ учун энг фойдали шартларга эришиш учун шошилиш ниятида эмаслиги сабабли музокаралар жараёни секин кетаётганини қайд этди.

"Биз жуда яхши келишувга эришишга яқинмиз, агар уни имзолашнинг уддасидан чиқсак, ажойиб иш бўларди. Акс ҳолда, биз шунчаки яна ҳарбийларимизни ишга соламиз", — деди Трамп.

Шунингдек, у Эрон ядро қуролидан воз кечишга рози бўлганини даъво қилмоқда.

Трампнинг тушунтиришича, аввал Эрон томони ядро қуролини ишлаб чиқмаслигини айтган, бироқ уни сотиб олиш имконияти ҳақидаги савол аниқлаштирилганидан сўнг, жумла ўзгартирилган. Эндиликда Эрон ядровий қуролни ишлаб чиқмайди ва ҳеч қандай йўл билан уни сотиб олмайди.