Трамп Эрон олий раҳбари сайловларида иштирок этиш истагини билдирди

АҚШ президенти Дональд Трамп Эроннинг янги олий раҳбарини танлашда иштирок этиши керак, деб ҳисоблайди.

Трамп бу ҳақда Axios нашрига берган интервьюсида айтиб ўтган.

У марҳум етакчи оятуллоҳ Али Хоменейнинг ўғли Можтаба Хоменейнинг номзоди қабул қилиниши мумкин эмаслигини айтди.

"Қўшма Штатлар янги олий раҳбарни тайинлаш жараёнига таъсир ўтказиш имкониятига эга бўлиши керак", деб таъкидлади у.

Трамп минтақанинг барқарорлиги Эроннинг янги раҳбарини танлашга боғлиқлигини ва Хоменейнинг сиёсатини давом эттириш Қўшма Штатлар билан беш йилга чўзилиши мумкин бўлган янги урушга олиб келиши мумкинлигини айтди. Америка раҳбари Эронга уйғунлик ва тинчлик олиб келадиган ворисни хоҳлаётганини айтди.