Трамп: "Эрон келишувга эришиши ёки таслим бўлиши керак"

АҚШ президенти Дональд Трамп Эроннинг денгиз блокадаси Теҳрон Вашингтон билан келишувга эришмагунча ёки таслим бўлмагунча давом этишини айтди.

Трамп бу ҳақда Truth Social ижтимоий тармоқчи саҳифасида ёзди.

Унинг таъкидлашича, Эрон раҳбарияти "ақл бовар қилмайдиган иккиюзламачилик" кўрсатмоқда, чунки АҚШ билан музокаралардан бош тортганини очиқчасига эълон қилганига қарамай, Теҳрон учрашувларни излашда давом этмоқда ва Америка томони билан алоқани сақлаб қолмоқда.

"Улар учрашувлар сўрашмоқда... Музокаралар бошланмоқда, яқин орада яна учрашувлар режалаштирилган, аммо улар ҳеч қандай музокаралар олиб бормаётганликларини ва фақат Уммон билан иш олиб бораётганликларини очиқ ва ғурур билан эълон қилишмоқда", деб ёзган у.

Трамп шунингдек, Теҳроннинг Ҳормуз бўғози устидан назорат ҳақидаги даъволарини рад этиб, уни бутунлай АҚШ денгиз флоти назорат қилаётганини даъво қилди.

"Эрон биз хоҳламагунимизча ҳеч нарсага эриша олмайди ва бу келишувга эришилмагунча ёки тўлиқ таслим бўлмагунча шундай бўлиб қолади", деди Трамп.

У Қўшма Штатлар муаммога ечим топиш йўлини муҳокама қилаётганини таъкидлади, унинг сўзларига кўра, Эрон буни ўнлаб йиллар давомида яратиб келмоқда.

"Бу жуда оддий: Эрон ҳеч қачон ядровий қуролга эга бўлмайди", деб хулоса қилди Трамп.