Трамп бу ҳақда ўйлаб кўради

Зеленский Трампдан Украинага 30–50 йилга мўлжалланган хавфсизлик кафолатларини тақдим этишни сўраган, Трамп эса бу ҳақда ўйлаб кўришини айтган.

Бу ҳақда Зеленский Доналд Трамп билан учрашувидан кейин журналистлар билан мулоқотда маълум қилди.

"Мен АҚШ президентига Украинадаги уруш деярли 15 йилдан бери давом этётгани, шунинг учун кафолатлар янада узоқ муддатли бўлишини жудаям исташимизни айтдим. 30–50 йиллик хавфсизлик кафолати вариантларини кўриб чиқишни хоҳлаётганимизни айтдим. Шунда бу президент Трампнинг тарихий қарори бўлади. У бу ҳақда ўйлаб кўришини айтди", — деди Украина президенти.

Зеленский, шунингдек, Москва билан учрашувлар формати фақат “мажбурий муддатларсиз музокара йўли тўлиқ босиб ўтилгандан кейин” амалга оширилиши мумкинлигини қўшимча қилди.

"Доналд Трамп Владимир Путин билан кечаги телефон суҳбатида тинчлик режасининг барча 20 бандини батафсил муҳокама қилган. Буни менга Трампнинг ўзи айтди. Украина учун айнан ҳужжатнинг шу версияси муҳокама қилиниши, шунингдек, Путиннинг сўзлари Москванинг амалий ҳаракатларига мос келиши муҳим", — дея қўшимча қилди Зеленский.