Трамп Байденни яна танқид қилди

АҚШ президенти бу ҳақда Truth Social ижтимоий тармоғидаги саҳифасида ёзди.

"Босқинчи мамлакатга ҳужум қилмасдан туриб урушни ютиш жуда қийин, ҳатто имконсиз. Бу худди ажойиб ҳимояга эга спорт жамоасига ҳужум қилишни тақиқлашга ўхшаш ҳолат. Бундай вазиятда ғалаба қозониш имконияти йўқ! Худди шундай ҳолат Украина ва Россияда ҳам бўлди. Ёлғончи ва мутлақо нўноқ Жо Байден Украинага жавоб зарбаси беришга эмас, фақат ҳимояланишга рухсат берди. Бунинг оқибати нима бўлди? Агар мен президент бўлганимда, бу урушнинг бошланишига йўл қўймаган бўлардим. Бизни олдинда қизиқарли давр кутмоқда", — деб ёзди Трамп.