Трамп: "АҚШ Украинадаги можарони тугатиш устида ишлашда давом этмоқда"

Вашингтон Украина можаросини тинч йўл билан ҳал қилишга эришиш бўйича саъй-ҳаракатларини давом эттирмоқда.

АҚШ президенти Дональд Трамп бу ҳақда Fox News телеканалида маълум қилди.

"Биз бу йўналишда чоралар кўрмоқдамиз, аммо ҳарбий ҳаракатлар давом этмоқда", деб таъкидлади у.

Оқ уй раҳбари шунингдек, Россия президенти Владимир Путин ва унинг украиналик ҳамкасби Владимир Зеленский билан мулоқотни давом эттиришини айтди. Бироқ, Трамп суҳбатлар тафсилотларини айтиб беришдан ёки уларнинг бири билан охирги марта қачон гаплашганини аниқлаштиришдан бош тортди.

Эслатиб ўтамиз, март ойида Россия президенти матбуот котиби Дмитрий Песков Россия ва Украина ўртасидаги АҚШ иштирокидаги музокаралар "тўхтатилганини" айтган эди.