Трамп 2026 йилда АҚШ бўйлаб саёҳат қилмоқчи

Бундан мақсад республикачиларни қўллаб-қувватлаш, деб хабар бермоқда Bloomberg.

"АҚШ президенти Доналд Трамп 2026 йилда ўтказиладиган Конгрессга оралиқ сайловлар кампанияси доирасида мамлакат бўйлаб саёҳатларни кўпайтиришни режалаштирмоқда", дея хабар бермоқда нашр.

Агентлик манбаларининг маълум қилишича, Трамп ўзининг биринчи президентлик даврида кузатилгани каби демократларнинг Конгресс Вакиллар палатасида назоратни қўлга олиши, қонунчилик ташаббуслари тўхтаб қолиши ва унга икки марта импичмент эълон қилишга уринишлар каби ҳолатларнинг такрорланишидан хавотирда. Шу сабабли президент 2026 йилги сайлов кампаниясида сафарларни фаолроқ амалга оширишни истамоқда.

Оқ уй Трампнинг бу режалари ҳақида изоҳ бермади. Бироқ аввалроқ Трамп республикачиларни шахсан қўллаб-қувватлашини ва Конгресснинг иккала палатасида ҳам назоратни сақлаб қолишни мақсад қилганини билдирган эди.