“Ўзкўргазмасавдо” мажмуаси яқинида умумий нархи 2000 АҚШ доллари бўлган 10 дона салют ва пиротехника воситаларини сотишга уринган эркаклар қўлга олинди.
«UzNews.uz»нинг ҳуқуқни муҳофаза қилиш органларидаги манбасининг хабар беришича, жорий йилнинг 6 декабрь куни 1991 йилда туғилган М.М. ва 1996 йилда туғилган М.А. умумий нархи 2000 АҚШ доллари бўлган 8 дона «7D» номли салют ва 2 дона «Хлопушка фейерверк» пиротехника буюмларини сотишга уринган.
Мазкур ҳолат юзасидан Ўзбекистон Республикаси Жиноят кодексининг 250/1-2 «б» банди билан жиноят иши қўзғатилган. Мазкур банд ЭКИҲнинг 100 бараваридан 300 бараваригача жарима тўлаш, 2 йилдан 3 йилгача аҳлоқ тузатиш ишларини олиб бориш ёки 3 йилдан 5 йилгача озодликдан маҳрум этиш кўринишидаги жазони ўз ичига олади.
Ҳозирда ушбу ҳолат бўйича тергов ҳаракатлари олиб борилмоқда.