23 сентябрь соат 22:00 дан 24 сентябрь тонгга қадар ер юзасидаги ҳаво совиб, юқорироқ қатламдаги ҳаво илиқроқ қолиши натижасида ҳарорат инверсияси ҳосил бўлиши кутилмоқда.
Метеорологик прогнозга кўра, шамол тезлиги Тошкент шаҳрида айрим соатларда 1–2 м/с гача пасаяди, ҳавонинг вертикал аралашуви эса секинлашади. Ёғингарчилик ва шамол кутилмаётганлиги сабабли заррачаларнинг узоқроқ муддат ҳавода қолиб кетиши эҳтимоли мавжуд. Бу омиллар PM2.5 ва PM10 заррачаларининг ерга яқин қатламда тўпланишига олиб келади.
Прогнозлар Тошкент шаҳрида бугун 22:00 дан тонгги вақтларга қадар ҳаво сифати «сезгир гуруҳлар учун носоғлом», айрим нуқталарда вақтинчалик «носоғлом» даражагача ёмонлашиши мумкинлигини кўрсатмоқда. Эрталаб ер юзаси исиб, инверсия заифлашиши ва вертикал аралашув кучайиши билан ҳаво сифати аста-секин яхшиланиши кутилмоқда. Шу сабабли кечки вақтларда очиқ ҳавода узоқ вақт бўлмаслик тавсия қилинади.
Ҳозирда атмосфера ҳавоси сифати Махсус комиссия томонидан доимий мониторинг қилинмоқда.
Дунёда атиги уч киши хорижга паспортсиз саёҳат қилиши мумкин
Аманбай Оринбаевга генерал-майор унвони берилди
UzAuto Motorsʼни Хитой компанияси сотиб олмоқчи
