15-17 июль кунлари Tashkent city ҳамда пойтахтнинг бир қанча истироҳат боғларида "Food and Muzzday fest-2022" бўлиб ўтади. Унда таниқли ресторанлар ва ошхоналар иштирок этади. Дастурда профессионал ошпазлар беллашуви, официантлар ва ресторан хизматчилари намойишлари, миллий ва хориж таомларини тайёрлаш жараёнларини кўрсатиш, шоу-концертлар, карнавал ва флешмоблар ўрин олган.
Ундан ташқари, ҳокимлик хабарига кўра, июль ойида пойтахтда "Dance fest", "Car fest" каби кўнгилочар фестиваллар ўтказилиши ҳам режалаштирилган.