Тошкентда Бўрижар кўчаси Пекин кўчаси деб қайта номланди

Шаҳар кенгаши Яшнобод туманидаги Бўрижар кўчасини Пекин кўчаси деб қайта номлаш тўғрисида қарор қабул қилди.

Қарорга кўра, кўча номининг ўзгариши билан ундаги кўчмас мулк объектларининг манзиллари ҳам янгиланади. Давлат кадастрлари палатасининг Тошкент шаҳар бошқармаси бу ишларни икки ой ичида якунлаши керак.

Шунингдек, кўчадаги кўрсаткич ва пешлавҳалар уч ой ичида янги номга мослаштирилади.

Янги ном бўйича аҳоли ўртасида тушунтириш ишлари ҳам олиб борилади.