Тошкентда 29 ёшли эркакка нисбатан жиноий иш қўзғатилди

12 июль куни Чилонзор тумани ИИО ФМБга 27 ёшли Хумоюн Э. мурожаат қилди.

Унинг хабар беришича, соат 03.30 ва 10.00 оралиғида номаълум шахс уйнинг эшикларидан бири очиқлигидан фойдаланиб, унинг уйидан 23.000 АҚШ доллари, ноутбук ва иккита телевизорларни ўғирлаб, воқеа жойидан яширинган.

Тошкент шаҳар ИИББнинг ёзишича, мазкур факт асосида Ўзбекистон Республикаси Жиноят кодексининг 169-моддаси 4-қисми (“Ўғрилик”) бўйича жиноий иш қўзғатилди. Кўрилган чоралар давомида ўғриликда гумонланувчи шахс – 29 ёшли фарғоналик Аҳмаджон М. қўлга олинди. Тергов давом этмоқда.