Тошкент автобус бекатларидаги дўконлар олиб ташланади

Пойтахт маъмурияти маълум қилишича, жамоат транспорти бекатларида жойлашган 110 та савдо объекти аниқланган.

Текширувда уларнинг 61 таси бекат ҳудудидан фойдаланиш ҳуқуқини тасдиқловчи ҳужжатларни тақдим эта олмагани маълум бўлди.

Шу муносабат билан бекатларда дўконлар бўлмайди, барча бекатлар босқичма-босқич янгиланади.

Қонуний ҳужжатларга эга тадбиркорларга эса савдо нуқталарини бошқа жойга кўчириш орқали компенсация бериш механизми қўлланади.