“Толибон” Афғонистонда BBC Radio эшиттиришларини тўхтатиб қўйди

Британия эшиттириш корпорацияси (BBC) Афғонистон ҳукумати вакиллари билан вазиятни тартибга солиш устида ишлаётганини қўшимча қилди.

"Бутун Афғонистон бўйлаб миллионлаб одамлар ишончли янгиликлар ва маълумотлар манбаси сифатида BBC'га таянади", дейилади корпорация баёнотида.

“Толибон” ҳукумати Ахборот ва маданият вазирлиги вакили Хубиб Гуфран BBC фаолияти йўл қўйилган “такрорий қоидабузарликлар” сабабли тўхтатилганини маълум қилди. У айнан қандай қоидабузарликлар ҳақида гап кетаётганига аниқлик киритмади.