Токаев Россияни Қозоғистон орқали $14 млрд пул ювишда айблади

Қозоғистон президенти Қасим-Жомарт Токаев Россия томонидан мамлакат банк тизими орқали йирик миқдорда пул ювилганини маълум қилди. Унинг айтишича, «қўшни давлат»дан бир банк орқали 7 трлн тенгедан ортиқ — тахминан $14 млрд маблағ ўтказилган.

Токаев бу ҳолатни қонун, иқтисод ва сиёсат нуқтаи назаридан «жуда воз кечиб бўлмас ҳолат» деб атади. Санкциялар фонида Қозоғистон Россия учун «кулранг» молиявий оқимлар транзитига айлангани таъкидланди.

Маълумотларга кўра, 2024 йилда пул ювишда қўлланган банк карталарининг 90 фоиздан ортиғи норезидентларга тегишли бўлган. 6,2 мингта «дроп-карта» орқали 24 млрд тенге айлантирилган.

Вазиятга жавобан, ҳукумат чораларни кучайтирмоқда: ИИНни масофадан бериш тақиқланди, хорижликлар учун талаблар қатъийлаштирилди, биометрик текширув, бир кишига битта карта лимити, $1000дан юқори ўтказмалар назорати жорий этилди.

Шунингдек, 130 дан ортиқ ноқонуний криптообменник ёпилди, МДҲдаги энг йирик сервис — $224 млн айланмали RAKS exchange фаолияти тугатилди.