Агар АҚШ Эронга нисбатан санкция босимини кучайтирса, Теҳрон Вашингтоннинг Яқин Шарқдаги иқтисодий манфаатларига зарар етказиши мумкин.
Бу ҳақда Эрон Олий миллий хавфсизлик кенгаши котиби Муҳсин Ризоий огоҳлантирди.
«Агар АҚШ Эронга иқтисодий босимни кучайтирса, биз минтақадаги Америка манфаатларига таъсир қиладиган жавоб чораларини кўрамиз», — деди у Ливаннинг «Ал-Манар» телеканалига берган интервьюсида.
Шу билан бирга, Ризоий айнан қандай жавоб чоралари назарда тутилаётганига аниқлик киритмади.
Унинг фикрича, АҚШнинг Теҳронга нисбатан иқтисодий босимга ўтиши можарони ҳарбий йўл билан ҳал қилишга уриниш чекланган натижа бераётганини кўрсатади.
Аввалроқ, 26 август куни Axios нашри АҚШ яқин вақт ичида Эронга янги зарбалар беришни режалаштирмаётгани ва Теҳронга босим ўтказишнинг бошқа воситалари, жумладан санкцияларга эътибор қаратиш ниятида эканини хабар қилган эди.
Ўзбекистонлик жаҳон чемпиони АҚШга кўчиб ўтди
ОАВ: Ламин Ямал севгилиси билан бирга яшашни бошлади
«Реал» юлдузи жамоадан маошини оширишни талаб қилди
