Теҳрон Вашингтон билан сулҳ узайтирилганини рад этди

Reuters агентлигининг Эрон расмийсига таяниб хабар беришича, АҚШ ва Эрон ўртасида сулҳни узайтириш бўйича ҳеч қандай музокаралар олиб борилмаган. Бу билан Теҳрон Туркиянинг "Anadolu" агентлиги тарқатган 60 кунлик сулҳ муддатини узайтириш бўйича келишувга эришилгани ҳақидаги хабарларни инкор этди.

Эрон томонининг билдиришича, АҚШ вақтинчалик сулҳ имзоланганидан 48 соат ўтиб уни бузган ва бир неча кундан кейин ундан чиққан. Шу сабабли, Теҳрон нуқтаи назаридан сулҳ муддати умуман бошланмаган ва узайтириладиган ҳеч нарса мавжуд эмас. Маълумот учун, икки давлат ўртасидаги ҳарбий ҳаракатлар 2026 йил 8 июлда қайта бошланган эди.