Бугун 29 март, 2024 йил, жума

O'ZB

Танзила Норбоева Император Нарухитонинг тахтга ўтириш маросимида иштирок этади

Танзила Норбоева Император Нарухитонинг тахтга ўтириш маросимида иштирок этади

2019 йил 16 октябрь куни Сенатда Ўзбекистон Республикаси Олий Мажлиси Сенати Раиси Танзила Норбоева ва Япониянинг Ўзбекистон Республикасидаги Фавқулодда ва Мухтор Элчиси Ёшинори Фуджияма ўртасида учрашув бўлиб ўтди.

Учрашувда Ўзбекистон ва Япония ўртасидаги ҳамкорликни, шу жумладан, парламентлараро алоқаларни янада ривожлантириш ва мустаҳкамлаш масалалари муҳокама этилди. Парламент дипломатияси Ўзбекистон-Япония муносабатларини ривожлантиришда муҳим рол ўйнаши қайд этилди.

Японияга юксак даражадаги ташрифни ташкил этишга тайёргарлик кўриш муҳокаманинг муҳим мавзуси бўлди. Бу ташриф, шубҳасиз, Ўзбекистон-Япония муносабатларини сифат жиҳатидан янги поғонага кўтаришга хизмат қилади.

Шу билан бирга, Япониянинг янги Императори Нарухитонинг тахтга ўтириши муносабати билан 22-23 октябрь кунлари Токиода ўтказиладиган тантанали маросимда иштирок этиш учун Ўзбекистон Республикаси Олий Мажлиси Сенати Раиси Танзила Норбоеванинг ташрифини ташкил этиш масалалари ҳам кўриб чиқилди.

 

Киритилди: 06:00 17.10.2019. Ўқилди: 1764 марта. Фикрлар сони: 0 та.
telegram channel

Бўлимга тегишли қизиқарли хабарлар

Энг кўп ўқилган янгиликлар

бир кунда ҳафтада бир ойда

Фикр билдириш учун қайдномадан ўтишингиз сўралади ва телефон ракамни тасдиклаш керак булади!