Сурхондарё вилояти божхона бошқармаси «Термиз аэропорт» чегара божхона постининг «яшил» йўлаги орқали хорижга отланган М.Н. исмли шахс ўзининг ҳатти-ҳаракатлари билан божхона ходимлари эътиборини тортди. Бу ҳақда Божхона қўмитаси ахборот хизмати маълум қилди.
Шундан сўнг ушбу фуқаро белгиланган тартибда божхона назоратидан ўтказилди. Натижада мазкур шахснинг эгнидаги кийимлари чўнтагидан ҳар бирининг қадимийлиги 50 йилдан ошган 20 дона танга борлиги маълум бўлди.
Ҳозирда мазкур тангалар Термиз археология музейига топширилиб, ҳолат юзасидан божхона органлари томонидан суриштирув ҳаракатлари олиб борилмоқда.
Ўзбекистон тиббиёти оғир жудоликка учради
Энергия тармоқларига ўзбошимчалик билан уларниш ўғрилик ҳисобланади
Татьяна Каримова ва Пётр Каримов ўртасидаги суд иши давом этмоқда
