Сурхондарёда маҳалладошлар жанжали ўлим билан тугади

2019 йил 30 июль куни Сурхондарё вилоятининг Қизириқ туманида яшовчи 29 ёшли А.Н. маст ҳолда “Боғбонлар юрти” маҳалласида ўзаро жанжал оқибатида маҳалладоши 31 ёшли Ф.Ш.нинг юзига қўли билан урган вақтида Ф.Ш. боши билан ерга йиқилиб, жароҳат олган. Бу ҳақда Ўзбекистон Республикаси ИИВ Жамоатчилик ва ОАВ билан алоқалар бошқармаси хабар бермоқда.

Натижада Ф.Ш. касалхонага ётқизилган ва кўрсатилган тиббий муолажаларга қарамай 1 август куни вафот этган. Ҳолат юзасидан жиноят иши қўзғатилиб, А.Н. ушланган. Тергов ҳаракатлари олиб борилмоқда.