Сурия ва Саудия Арабистони ўртасида қатор ҳамкорлик битимлари имзоланди

Сурия ва Саудия Арабистони авиация, инфратузилма, сув таъминоти, таълим ва алоқа соҳаларида ҳамкорлик тўғрисида қатор келишувларни имзолади.

Дамашқ шаҳрида бўлиб ўтган имзолаш маросимида Сурия президенти Аҳмад аш-Шараа, Саудия инвестициялар вазири Холид ал-Фолиҳ, алоқа вазири Абдулла ас-Саваҳа, шунингдек, саудиялик компаниялар ва суриялик ҳамкорлар иштирок этди.

Сурия инвестиция делегацияси раҳбари Тала ал-Хилалийнинг таъкидлашича, имзоланган битимлар фуқароларнинг кундалик ҳаётига бевосита таъсир кўрсатиб, иқтисодий фаолликни оширишга хизмат қилади.