Сурия курд кучлари Алепподан чиқишга рози бўлди

Суриядаги курд қуролли тузилмалари бир неча кун давом этган қонли тўқнашувлардан сўнг Алепподаги маҳаллалардан бирини тарк этишга рози бўлганини маълум қилди.

Айтилишича, сулҳ келишуви доирасида ҳалок бўлган ва яраланган тинч аҳоли ҳамда жангчилар Суриянинг шимолий ва шарқий ҳудудларига эвакуация қилинади. Келишув Сурия ҳукумат қўшинлари билан АҚШ қўллаб-қувватлайдиган, курдлар етакчилигидаги «Сурия демократик кучлари» ўртасидаги тўқнашувлардан кейин амалга оширилди.