Стармер ва Макроннинг режаси Европанинг заифлигини кўрсатмоқда

Буюк Британия Бош вазири Кир Стармер ва Франция президенти Эммануэл Макрон тинчлик ўрнатилса, Украинага 15 000 га яқин ҳарбий юборишни ваъда қилган.

Bloomberg хабарига кўра, аввалроқ, Британия 64 000 кишилик коалиция таркибида 10 000 нафар ҳарбий юбориш вариантини таклиф қилган, аммо ротация ҳисобига бу 30 000 кишини талаб қилиши маълум бўлган.

"Британия ҳозирданоқ Эстонияда 900 ҳарбийни жойлаштириш билан қийинчиликларга дуч келмоқда. Француз-британ ташаббуси Украинанинг маънавий руҳини қўллаб-қувватлаши мумкин, лекин АҚШ ҳаво кучлари кафолатлари бўлмаса, Москва буткул тинчликка рози бўлса ҳам Путинга таъсир ўтказа олмайди. Контингентларнинг камлиги ва Германиянинг эҳтиёткорлиги Европанинг заифлигини кўрсатмоқда", дейилади мақолада.