Starlink Ўзбекистонда ҳам ишга туширилиши мумкин

Ўтган йили Veon (Beeline) халқаро телекоммуникация компанияси Илон Маскнинг SpaceX компанияси билан ҳамкорлик шартномаси имзолаган эди. Бунда сунъий йўлдош орқали алоқа хизматларини чекка ҳудудлардаги мобил фойдаланувчиларга етказиш мақсад қилинган.

Veon (Beeline) компанияси раҳбари Каан Терзиоглининг айтишича, Starlink хизмати 2026 йил давомида ушбу компания ишлаётган уч давлатдан камида биттасида ишга туширилиши режалаштирилган. Бу давлатлар: Покистон, Бангладеш ва Ўзбекистон. Яъни Starlink Beeline тармоғига интеграция қилинади.

Ҳозирча аниқ қайси бири экани айтилмаган. Лекин Ўзбекистон номи ҳам расман тилга олинган.