SpaceX IPO’га ариза топширди. Бу тарихдаги энг йирик акция бўлиши кутилмоқда

Бу ҳақда 1 апрел куни Bloomberg агентлиги ўз манбаларига таяниб хабар берди.

Акциялар листинги июн ойида ўтказилиши кутиляпти. Сотиладиган акциялар сони ва нархлар оралиғи кейинроқ маълум қилинади.

Манбалардан бирининг сўзларига кўра, IPO жараёнида SpaceX компанияси 1,75 триллион доллардан ортиқ қийматга даъво қилиши мумкин.

IPO натижасида компания 75 миллиард долларгача маблағ жалб қилиши кутилмоқда. Шундай қилиб, акцияларнинг жойлаштирилиши тарихдаги энг йириги бўлади, аввалги рекорд 2019 йилда биржага чиқиш орқали 29 миллиард доллар жалб қилган Saudi Aramco компаниясига тегишли эди.