Жиззах вилояти солиқ бошқармаси томонидан тадбиркорлик субъектларида яширин иқтисодиётга қарши курашиш ва харидорлар ҳуқуқларини ҳамда манфаатларини ҳимоя қилиш йўналишида тизимли назорат тадбирлари давом эттирилмоқда.
Жумладан, жорий йилнинг 7 август куни вилоят солиқ бошқармаси ҳамда ҳуқуқни муҳофаза қилувчи органлар ходимлари ҳамкорлигида Жиззах шаҳри, Тошкент кўчаси, 4А-уйда жойлашган “BLACK CASH” МЧЖга (номи ўзгартирилган) қарашли “AL-ARABIA” тунги клубида сайёр солиқ текшируви ўтказилди.
Текширув давомида қуйидаги жиддий қонунбузилиш ҳолатлари фош этилди:
Харид чеки берилмаган: Муассаса ходимлари томонидан мижозга амалга оширилган харид учун 290 000 сўм нақд пул эвазига харид чеки тақдим этилмаган.
Кассага кирим қилинмаган маблағ: Шохобча хазинаси масъуллар иштирокида саноқдан ўтказилганда, жами 3 200 000 сўм нақд пул шохобчада ўрнатилган ОНКМга (онлайн назорат-касса машинасига) кирим қилинмагани маълум бўлди.
Тизим интеграция қилинмаган: Тунги клубда ички ҳисоб-китоб учун автоматлаштирилган ҳисобга олиш ўлчов воситалари мавжудлиги ва ушбу қурилмалар солиқ органлари базасига интеграция қилинмагани аниқланди. (Ушбу ҳолат бўйича Солиқ кодексининг 227¹-моддасига асосан 2-чоракдаги соф тушумдан келиб чиқиб жавобгарлик чораси қўлланилади).
Норасмий ишчилар: Тунги клуб ходимлари солиқ ҳисоботлари билан солиштирилганда, 10 нафар ходим солиқ ҳисоботларида акс эттирилмагани, яъни норасмий фаолият юритаётгани аниқланди.
Наманганда қарийб ярим миллиардлик жирканч жиноят фош бўлди
Илон Маск Украинага Россиянинг ичкарисига зарба бериш учун Starlink тақдим этишдан бош тортди
Олимлар Ер аҳолиси сонини босқичма-босқич камайтириш ғоясини илгари сурди
