Словакия бош вазирининг самолёти Брюссел аэропортида жиддий шикастланди

Словакия бош вазири Роберт Фицонинг Европа Иттифоқи саммитига етиб келган самолёти Брюссел аэропортида жиддий шикастланди.

Бу ҳақда у ижтимоий тармоқдаги саҳифасида ёзди.

Словакия ҳукумати раҳбарининг сўзларига кўра, самолёт зинапояли транспорт воситасига урилган, бу эса кейинги парвозлар учун техник жиҳатдан яроқсиз бўлган.

"Брюсселдаги мураккаб саммит жуда қийин бошланди. Аэропортда зинапоялари бўлган машина бизнинг самолётимизга шунчалик шикаст етказдики, энди у парвозга яроқсиз ва биз уни шу ерда қолдиришимиз керак", - деди Фицо.