Хитой раҳбари Си Сзинпин АҚШ президенти Дональд Трамп билан учрашиб, 90 дақиқа давомида уни бир қатор муҳим масалаларда ён беришга мажбур қилди. Бу ҳақда Le Monde нашри хабар берди.
Маълумотларга кўра, музокаралар давомида Трамп Хитой товарларига қўйилган божларни 47 фоизгача пасайтиришга розилик билдирган. Си Сзинпин эса Америка соя маҳсулотларини сотиб олишни давом эттиришга ва айрим юқори технологияли компанияларга нисбатан чекловларни юмшатиш масаласини муҳокама қилган.
Шу билан бирга, музокаралар олдидан Трамп Хитой компанияларининг сунъий интеллект соҳасида фойдаланиладиган америкалик микропроцессорларга киришини тақиқлаш билан таҳдид қилган эди. Бунга жавобан Си Сзинпин нодир ер металлари экспортига эмбарго жорий этиш билан таҳдид қилган — бу металлар АҚШнинг иқтисодий ва мудофаа соҳаси учун жуда муҳим саналади.
Le Monde шарҳловчиси Ален Фрахоннинг таъкидлашича, “Си Сзинпин бу учрашувда дипломатик жиҳатдан устун келди. Жим сиёсатчи мафтункор президентни мағлуб этди”, — дейилади мақолада.
Нашрнинг фикрича, бу учрашув жаҳон технология урушидаги кучлар мувозанатига таъсир кўрсатиши ва Пекиннинг халқаро мавқеини янада мустаҳкамлаши мумкин.
Ким Чен Иннинг саломатлигига доир айрим маълумотлар ошкор қилинди
Эрлинг Ҳоланд «Реал Мадрид»га ўтмоқчи!
Нью-Йоркнинг янги мусулмон мэри — Мамдани, аслида, ким?
