Хитой раиси Си Жинпин Пекинда Россия президенти Владимир Путин билан ўтказилган музокараларда Яқин Шарқдаги ҳарбий ҳаракатларни тўхтатиш кераклигини ва тинчликка эришиш учун музокаралар алоҳида аҳамиятга эга эканини эслатиб ўтди.
"Мазкур урушнинг тўхтатилиши жаҳонда энергия ресурслари таъминоти ва халқаро савдо барқарорлигига таҳдидни камайтиришга ёрдам беради", — деди Си.
Ўтган ҳафтада Хитой етакчиси Пекинда АҚШ президенти Доналд Трампни қабул қилган эди. Вашингтон Теҳрондан ядровий дастурдан воз кечишни талаб қилиб, 28 феврал куни Эронга қарши уруш бошлаганди.
Эронни АҚШ шартларига кўнишга мажбурлашга уринишлар натижа бермади, шу билан бирга, Форс кўрфазидан нефт ва суюлтирилган табиий газ экспортининг муҳим йўли бўлган Ҳўрмуз бўғозининг блокада қилиниши дунёда жиддий энергетик инқирозни келтириб чиқарди ва унинг таъсирини Хитой ҳам ҳис этди.
Ушбу фонда Россия нефти ва газидан АҚШ санкциялари қисман олиб ташланди. Хитойга Россия нефт ва газини етказиб бериш ҳажмини ошириш Путинни Пекиндаги ташрифининг энг муҳим масалаларидан бирига айланиши кутилмоқда.
10 минг қадам юрганларга пул тўлайдиган платформа ишга тушди
Каспий денгизи хавотирли тезликда қуриб бормоқда
Электр ва газ нархлари бўйича ҳукумат қарори қабул қилинди
