Швецияда қор бўрони оқибатида уч киши ҳалок бўлди

Швецияда Скандинавия бўйлаб содир бўлган кучли қор бўрони оқибатида уч киши ҳалок бўлди.

Маҳаллий ОАВлар хабар беришича, бўрон транспорт воситаларининг жиддий тўхташи ва электр таъминотида узилишларга сабаб бўлган.

Қурбонлардан бири 50 ёшли эркак бўлиб, мамлакат жанубидаги Кунгсбергет тоғ-чанғи курортида устига дарахт қулаши оқибатида ҳалок бўлган. Иккинчи қурбон ҳудуднинг Ҳемаб энергетика корхонаси ходими бўлиб, у ташқарида ишлаётган вақтда вафот этган. Учинчиси 60 ёшли эркак бўлиб, уни ҳам қулаган дарахт уриб юборган.

Бундан ташқари, Швецияда 40 мингдан ортиқ хонадон электрсиз қолган.

Бўрон кўплаб рейсларни бекор қилди, Скандинавиянинг баъзи қисмларида поезд ва паром қатновини тўхтатди.