Туркия Суперлигасининг 2-турида "Башакшеҳир" сафарда "Трабзонспор" билан куч синашиб, 1:2 ҳисобида мағлубиятга учради. Истанбул клуби сафидаги икки ўзбекистонлик футболчи — Элдор Шомуродов ва Аббосбек Файзуллаев учрашувни бошланғич таркибда бошлади.
Трабзондаги баҳс мезбонлар учун омадли бошланди. 8-дақиқада Салоҳ "Башакшеҳир" дарвозасини ишғол қилиб, жамоасини олдинга олиб чиқди.
Орадан 11 дақиқа ўтиб, меҳмонлар мувозанатни тиклади. "Башакшеҳир" фойдасига белгиланган пенальтини Элдор Шомуродов аниқ амалга ошириб, ҳисобни 1:1 кўринишига келтирди.
Иккинчи бўлим бошланиши билан "Трабзонспор" яна олдинга чиқиб олди. 48-дақиқада Салоҳ иккинчи бор гол уриб, дублини расмийлаштирди. Бу гол учрашувда ҳал қилувчи бўлди — 2:1.
Шу тариқа, Шомуродовнинг голи "Башакшеҳир"га сафардан очко олиб қайтиш учун етарли бўлмади. "Трабзонспор" икки турдан сўнг очколари сонини 4 тага етказган бўлса, Истанбул клуби 3 очкода қолди.
Туркия Суперлигаси. 2-тур
"Трабзонспор" — "Башакшеҳир" — 2:1
Голлар: Салоҳ (8, 48) — Шомуродов (19, пенальти).
Тошкентдаги мусобақада Исроил байроғини кўрсатгани учун исроиллик ўқувчининг олтин медали бекор қилинди
Бразилиялик афсонавий футболчи Роберто Карлос мусулмон бўлгани ҳақидаги миш-мишларга муносабат билдирди
"100 миллион доллар эвазига ҳатто ўз отамнинг ҳам юзига ураман"
