Президент Шавкат Мирзиёев Қорақалпоғистон Республикасига ташрифи чоғида Нукус шаҳридаги янгиланган кўча бўйлаб сайр қилди.
Шаҳарнинг Ғаресизлик, С.Камалов ва Ғ.Шеразиева кўчаларида амалга оширилган ободонлаштириш ишлари натижасида аҳоли ва шаҳар меҳмонлари учун қулай дам олиш муҳити, савдо ва кўнгилочар масканларнинг тун-у кун фаолият юритиши учун шароит яратилди.
Фото: Президент матбуот хизмати
Бу ишларга 2,2 миллиард сўм ажратилиб, кўчаларнинг 2,5 километрлик қисми таъмирланди ва инфратузилмаси янгиланди.
Пиёдалар йўлаклари барпо этилиб, ўриндиқлар ва чиқинди қутилари ўрнатилди. Ҳудудни тунги вақтда ёритиш учун қуёш панеллари ёрдамида ишлайдиган энергия тежамкор чироқлар ўрнатилди. Ёмғир сувларини оқизиш ва сув тўпланишининг олдини олиш мақсадида 1,5 километрлик тармоқ янгидан қурилди, мавжудлари модернизация қилинди.
Фото: Президент матбуот хизмати
Яратилган шароитлар тадбиркорлик фаолиятини ҳам жонлантирди. Ҳудудда 8 та янги тадбиркорлик субъекти иш бошлади, яна 10 таси фаолиятини кенгайтирди. Натижада 75 та янги иш ўрни яратилди.
Давлат раҳбари кўча бўйлаб юрар экан, одамлар билан самимий мулоқот қилди, мамлакатда ҳукм сураётган тинчлик энг қадрли неъмат эканлигини таъкидлаб, эзгу тилакларини билдирди.
Муҳожирлар кетмоқда — Москва эса қайтишга чақирмоқда
Бошланғич синф қизлари учун ҳижобни тақишни тақиқлаш таклиф қилинмоқда
Саудия Арабистони Исроилдан ёрдам сўради
