Шавкат Мирзиёев Беларусь бош вазири ўринбосарини қабул қилди

Учрашув аввалида Виктор Каранкевич давлат раҳбарига Александр Лукашенконинг самимий саломи ва эзгу тилакларини етказди.

Томонлар Ўзбекистонда биринчи атом электр станцияси ва унга тегишли инфратузилмани барпо этишда Беларусь тажрибасидан фойдаланиш масалаларини муҳокама қилди.

Жумладан, АЭСни лойиҳалаш, қуриш ва эксплуатация қилишни экспертлик жиҳатидан қўллаб-қувватлаш, миллий кадрлар тайёрлаш ҳамда олий таълим муассасалари ўртасида қўшма дастурларни йўлга қўйишга алоҳида эътибор қаратилди.