"Северный поток-2" газ қувурига эгалик қилувчи "Nord Stream 2 AG" компанияси Европа Иттифоқига қарши судга даъво аризаси билан мурожаат қилди, деб хабар бермоқда Reuters агентлиги.
Компания ЕИнинг 2027 йил охиригача Россия газидан тўлиқ воз кечиш тартибини бекор қилишни талаб қиляпти.
Даъвогарнинг таъкидлашича, бу тақиқ компанияни товон пули тўланмасдан туриб, газ қувуридан фойдаланиш имкониятидан амалда маҳрум қилмоқда.
Маълумот учун, 2022 йилгача Россия ЕИ газ импортининг қарийб 40 фоизини таъминлаган бўлса, ўтган йили бу кўрсаткич тахминан 13 фоизгача тушди.
