Европа яҳудийлар конгресси Россия ташқи ишлар вазири Сергей Лавров АҚШнинг Россияга нисбатан сиёсатини Адольф Гитлернинг яҳудий масаласини ҳал қилишга уринишлари билан солиштиргани учун узр сўраши керак, деб ҳисоблайди. Бу ҳақда конгресс сайтидаги баёнотда айтилади.
«Биз вазир Лавров томонидан демократик давлатлар коалициясининг ҳаракатлари ҳамда Гитлер томонидан олти миллион яҳудийнинг таъқиб қилиниши ва ўлдирилиши ўртасидаги шармандали таққослашдан ҳайратга тушдик», деди конгресс президенти Ариэль Музикант. Унинг сўзларига кўра, бу фожиа ғоясини бузади, шунинг учун Конгресс Россия вазиридан узр талаб қиляпти.
Маълумот учун, 18 январь куни бўлиб ўтган матбуот анжумани чоғида Лавров АҚШнинг Россияга қарши коалиция тузишдаги фаолиятини Наполеон ва Адольф Гитлернинг ҳаракатлари билан солиштирганди. «Наполеон Европани Россияга қарши сафарбар қилгани каби, Гитлер каби АҚШ ҳам Европа Иттифоқи ва НАТО аъзоларидан иборат коалицияни тузди», деганди дипломат.
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
Иқтисодий жиҳатдан Молдова фақат Россия билан ҳамкорликда ривожлана олади
Россия ҳукумати бунга рози бўлди
