Сербия президенти: “Агар Ҳормуз бўғози очилмаса, нефть нархи барчани ҳалок қилади”

Сербия нефть нархларининг кўтарилиши туфайли нархларнинг назоратсиз ошишига йўл қўймайди.

Бу ҳақда Сербия президенти Александр Вучич буни маълум қилди.

Унинг таъкидлашича, Эрондаги кескинликни ҳисобга олган ҳолда, ёқилғи нархларининг назоратсиз ошишига йўл қўйиб бўлмайди ва тегишли чоралар кўрилади.

"Менинг ёндашувим кейинги ой ичида субсидия механизмларини аниқлашдир, чунки биз нархларнинг назорациз ошишига йўл қўёлмаймиз. Газ нархи кўтарилди, газ қолмади ва Қатар кранни ёпди", деб таъкидлади у.

Сербия президенти ҳозирги кескинликлар глобал бозорларда нефть ва газ нархларига жиддий таъсир кўрсатиши мумкинлигини таъкидлади. У бу масалани молия ва энергетика вазирлари билан муҳокама қилишини қўшимча қилди.

"Биз ниҳоятда қийин даврга кирмоқдамиз. Агар бу давом эца, бу Европадаги ҳамма учун том маънода дўзах бўлади. Агар Ҳормуз бўғози очилмаса, нефть нархи барчамизни йўқ қилади", деди Вучич.

Хулоса қилиб айтганда, у хайриятки, Сербияда катта ёқилғи захиралари борлигини таъкидлади.