Саудия Арабистони Яманни Сурияга айлантиришга уринган — ОАВ

Яманнинг Саудия Арабистонига содиқ бўлган кучлари мамлакатнинг ғарбий соҳилида мағлубиятга учраши натижасида Эр-Риёднинг Башар Асад режими ағдарилишидаги «Сурия сценарийси»ни Яманга кўчириш режаси барбод бўлди. Бу ҳақда Al Akhbar нашри хусийлар орасидаги манбаларга таяниб хабар берди.

Қайд этилишича, Эр-Риёд ушбу режани бир йилдан ортиқ вақт давомида тайёрлаган ва бу мақсадда Суриядан жангариларни ёллаган.

Манбаларга кўра, хусийлар Саудия Арабистони Суриядан радикал жангариларни ўз ҳудуди орқали Яманга ўтказганини тасдиқловчи разведка маълумотларига эга бўлган.

Шунингдек, Дамашқ Саудия Арабистонининг Ал-Вадия ва Шарра ҳудудларида Сурия салафий гуруҳларини тайёрлашда иштирок этгани таъкидланмоқда.

Хусийлар разведкаси маълумотларига кўра, Туркия ҳам жангариларни Яманнинг турли ҳудудларига ўтказишни ташкил этишда иштирок этган.

Натижада, нашр ёзишича, «Сурия сценарийси» хусийлар томонидан амалга оширилган ва улар жанговар қобилияти паст бўлган Саудия тарафдори кучлар позицияларига тезкор зарба берган.

Сўнгги маълумотларга кўра, Ямандаги режанинг муваффақиятсизликка учраши Саудия Арабистони раҳбарларини шошилинч равишда янги иттифоқчилар излашга мажбур қилган.