"Форс кўрфазидаги айрим араб давлатлари АҚШ президенти Доналд Трампнинг Эрон билан урушни тугатиш бўйича келишув тузиш ниятидан хавотирда. Улар бундай келишув оқибатида минтақада ҳамон қудратли рақиб билан юзма-юз қолишдан қўрқмоқда ва ҳарбий ҳаракатларни давом эттиришни талаб қилмоқда", дея хабар беради нашр манбаларига таяниб.
Қайд этилишича, бу орада Туркия Яқин Шарқ мамлакатларини урушни тезроқ тугатиш зарурлигига ишонтиришга уриниб, фаол дипломатик саъй-ҳаракатларни бошлаган. Саудия Арабистони ва Бирлашган Араб Амирликлари етакчилари эса Трампни Эрон қўшниларига “хавф туғдирмайдиган даражада” заифлашгунча урушни давом эттиришга кўндиришга ҳаракат қилмоқда.
Газета манбаларига кўра, Ар-Риёд Вашингтон томонидан Теҳронга топширилган 15 банддан иборат режадан қониқиш ҳосил қилмаган. Ушбу режа Эрон АҚШ билан келишмовчиликка сабаб бўлаётган барча асосий масалалар бўйича ён босиши эвазига низони ҳал қилиш ва санкцияларни тўлиқ бекор қилишни кўзда тутади.
Саудия Арабистони ва БАА ҳозирги босқичда келишув тузилиши Эронга Форс кўрфазидан энергия ресурслари экспортини узоқ вақт давомида назорат қилиш имконини бериши ва бошқа давлатлар хавфсизлигини хавф остига қўйишидан хавотирда. Ҳозирда Эрон амалда жаҳон бозорига кунига қарийб 20 миллион баррель нефт ва нефт маҳсулотлари чиқариладиган, шунингдек, дунёдаги суюлтирилган табиий газ экспортининг 20 фоизидан ортиғи ўтадиган Ҳўрмуз бўғозини тўсиб қўйган. Теҳрон ушбу муҳим бўғоз устидан назоратни урушдан кейин ҳам сақлаб қолмоқчи.
Ҳусановнинг финалдаги ўйини қандай баҳоланди?
Эрон Трампнинг Ҳормуз бўғозини очиш ҳақидаги ультиматумига жавоб берди
АҚШ Эроннинг нефтдан тахминан 14 миллиард доллар даромад олишига имкон берди
