Фавқулодда вазиятлар вазирлиги ахборот хизмати раҳбари ўринбосари Самандар Ҳикматуллаев «Сардоба» сув тошқини талофатларини бартараф этиш бўйича амалга оширилаётган ишлар борасида маълумот берди.
— Мирзаобод, Сардоба, Оқолтин туманларида жойлашган 6 та қабристондаги 311 та қабр қайта тикланди.
— Нобуд бўлган 26 та ҳайвоннинг жасадлари кўмилди ва кўмилган жойлар дезинфекция қилинди.
— 4 877 та зарар кўрган хонадон ва 88 та ижтимоий соҳа объектидаги ҳожатхоналар ўрганилиб, 4 965 та дезинфекция ишлари тугатилди.
— 5 171 та уй лойқадан тозаланди ва 84 тонна чиқинди олиб чиқилди.
— 62 мингга яқин уй ҳайвони куйдирги касаллигига қарши эмланди.
— Қозоғистонда тошқин оқибатларини бартараф этиш тадбирлари учун, Туркистон вилояти Мактаарал ва Жетисай туманларидаги амалий ишларга 180 нафар шахсий таркиб ва 89 та техника жалб этилган.