Самарқанд шаҳрида йўл-патруль хизмати ходими хизмат автомобилида фуқарони уриб юборди, дея хабар бермоқда вилоят ЙҲХБ.
Ҳодиса 21 июль куни соат 18:15 атрофида Шаббод кўчасида содир бўлган. ЙПХ ходими ўзига бириктирилган Tracker патруль автомобилини бошқариб кетаётиб, белгиланмаган жойдан йўлни кесиб ўтаётган пиёда 75 ёшли С.А.ни уриб юборган.
Ҳодиса оқибатида аёл олган тан жароҳатлари сабабли воқеа жойида вафот этган.
Тармоқларда тарқалган ҳодиса жойидан олинган суратларда автомобилнинг олд қисми жиддий шикастланганини кўриш мумкин.
Бош прокуратура матбуот котиби Ҳаёт Шамсутдиновнинг маълум қилишича, ҳолат юзасидан Самарқанд шаҳар прокуратураси томонидан Жиноят кодексининг 266-моддаси 2-қисми (транспорт воситаларидан фойдаланиш хавфсизлиги қоидаларини бузиш одам ўлимига сабаб бўлиши) билан жиноят иши қўзғатилган. Тергов ҳаракатлари олиб борилмоқда.
Ҳиндистон ТИВ Россия дипломатини чақиртирди
Россияда мигрантларни депортация қилиш учун асослар кенгайтирилди
1 августдан автомобиллар учун газ бепул бўлади
