Британиянинг Честер шаҳрида саккизта янги туғилган гўдакни ўлдиришда ва ўнта қотилликка уринишда айбланаётган ҳамшира ҳибсга олинди. Бу ҳақда Sky News телеканали ҳуқуқни муҳофаза қилиш органларига асосланиб хабар берди.
Маҳаллий полиция маълумотларига кўра, Честер касалхонаси ходими Люси Летби 10 ноябрь куни ҳибсга олинган. У 2015 йил июнидан 2016 йил июнигача касалхонанинг неонатал (янги туғилган чақалоқлар) бўлимида болаларда ўлим ва бахтсиз ҳодисалар кетма-кетлигини тергов қилиш жараёнида айбланган.
Aёл ҳозирда ҳибсда ва 12 ноябрда суд олдида жавоб беради.
Aввалроқ, 2018 йил 3 июль куни Летби Честер касалхонасининг неонатал бўлимида 17 боланинг ўлими бўйича тергов доирасида полиция томонидан ҳибсга олинган эди. Унга нисбатан айблов эълон қилинди ва кейин гаров эвазига қўйиб юборилди. Таъкидланишича, ҳамшира тергов билан ҳамкорлик қилган. Кейинчалик, Aнглиянинг Чешир графлиги полицияси аёлни яна учта болани ўлдиришда айблади.
Текширув 2017 йил май ойида бошланган, дастлаб терговчилар 2015 йил июнидан 2016 йил июнигача бўлган даврда клиникада 15 нафар бола қандай вафот этганини аниқлашга уринишган. Кейинчалик, полиция яна ўша даврда содир бўлган яна олти туғилмаган чақалоқлар билан содир бўлган бахтиз ҳодисалар (ҳомила тушиши) ҳолатлари билан қизиқди.
Шойгу уруш тугайдиган “аниқ ва шубҳасиз” санани маълум қилди
Россия ҳукумати бунга рози бўлди
Путин ва Илҳом Алиев темир йўл соҳаси фахрийлари ва ходимлари билан учрашув ўтказди
