«Россияни борича қабул қилиш керак!»

Эстония президенти Керсти Кальюлайд Россия билан мулоқотни ёқлаб чиқди. Бу ҳақда у Латвиянинг “LSМ “порталига берган интервьюсида айтиб ўтди.

«Иштирок этиш принциплардан воз кечишни англатмайди. Мен мулоқот тарафдориман, аммо унда сиз қатъиятли бўлишингиз ва аниқ хабар беришингиз керак. Бу бизнинг умумий вазифамиз - ушбу қийин масалалар билан ишлаш», деган президент.

Кальюлайд, шунингдек, «Россияни борича қабул қилиш керак!» дея таъкидлаган. Шунда у билан ишлаш осон бўлади.

Россия Федерацияси билан ҳамкорликнинг намунаси сифатида у атроф-муҳит муаммоларини биргаликда ҳал қилиш, чегараларни текшириш ва талабалар алмашинувини келтирган.